Mamerschoulen

Op regionaler Basis hun d'Kanner vum Cycle 1 Préscolaire aus den Gemengen Bertrange, Hobscheid, Kehlen, Koerich, Kopstal, Mamer, Septfontaines, Steinfort, Strassen an der Europaschoul Mamer kréien dest Joer d'Kanner op eng spilleresch Art a Weis d'Verkéiersregelen beibruecht.
Sie léieren dass Police do ass fir hinnen ze hëllefen a dass Sie kéng Angscht virun hinnen mussen hun.
D'Theaterstéck 'De Poli a seng Päif' eng Initiativ vun der Sécurité Routière gett gespillt vun der Police Grand-Ducale.

Zum Ofschloss vun engem gréisseren Thema an der Sciences hun d'Kanner aus dem Cycle 4 een interessanten Workshop iwert lieweg Gräifvullen gehaal kritt.
D’Madame Dunja Klimkeit huet léierreich Infoën zum Thema Gräifvullen, hier Eegenschaften an hiere Liewensraum den Kanner ginn.

Den Groupe 'Duo Dunamis' huet de Kanner vum Cycle 2.1 aus den Mamerschoulen eng flott an interaktiv Présentatioun vu Percussiounsinstrumenter gebueden.

Am Kader vun der Verkéierserzéihung hunn d'Kanner vum Cycle 2.1 vun de Mamerschoulen eng Formatioun iwwert d'Sécherheet am Stroosseverkéier matgemaach.
Des Formatioun heescht "Kuck a Klick" a gëtt vum "Centre de formation pour conducteurs" organiséiert.

Am Kader vum PRS (Plan de réussite scolaire) hu Vertrieder vum Léierpersonal e Virtrag mam Titel "Léiere méi liicht gemaach - Tipps an Tricks fir Elteren" organiséiert.
D'Pädagogin Madame Manuelle Waldbillig-Schank huet den Elteren erklärt, wéi d'Léieren bei de Kanner funktionnéiert. Si huet hinnen vill Tricker fir erfollegräicht a sënnvollt Schaffen doheem mat op de Wee ginn.